VIENTE
“Ur?” kunot-noong tawag niya sa babaeng naghahalungkat ng mga gamit ng kanyang Lola.
Tumigil si Ur at napatingin sa gawi niya. Nanlaki ang mga mata nito at tila nagulat na nakita siya doon.
“A-Ano’ng ginagawa mo dito?” tanong nito, napansin niya ang pag-ilap ng mga mata nito at pagiging alerto.
“Ikaw ang dapat kong tanungin niyan,” sabi niya at dahan-dahang lumapit dito. “Ang sabi ni Mystic, pinahirapan ka ni Haring Avos . . .”
“Zevyl—” Napatingin si Caiden kay Ur at agad siyang nilapitan upang protektahan. “Be careful.”
“Kilala ko siya,” sabi niya sa lalaki at lumingon kay Ur. “Ano’ng ginagawa mo dito, Ur? May hinahanap ka?”
Hindi ito kumibo at tumingin sa suot niyang kuwintas kaya agad siyang nagkaroon ng ideya na posibleng ang hinahanap nito y ang kuwintas ng kanyang Lola.
