Sabado ng umaga at abala sa pagliligpit ng gamit nito si Alexandra nang bigla na lamang lumapit dito si Cameron. Hindi naman maiwasan ni Cameron na makaramdam ng kaba sapagkat hindi niya alam kung paano niya sasabihin ang tungkol sa pagsabay nila kay Stephanie. Bukod dito, nangako rin si Cameron kay Stephanie na oras na makabalik sila sa mansyon niya ay kaagad silang magtutungo sa Manila upang mapatingnan ang mata ng dalaga. Ang problema na lamang ni Cameron ay kung paano niya sasabihin kay Alexandra na may ibang makikisabay sa kanila, lalo na't alam ng binata na baka magselos ang kasintahan niya kay Stephanie. Kung kaya't hindi malaman ng binata kung paano niya sisimulan ang pagpapaliwanag kay Alexandra na abala pa rin sa ginagawa nito. Kinakabahan man isang pagtikhim muna ang ginawa ni C
