Sabado ng gabi ngunit gising na gising pa rin ang diwa ni Cameron dahil sa balitang nalaman niya sa pinsan niyang si Vale. Dahil sa kaniyang natuklsan hindi alam ni Cameron kung ano nga ba ang dapat niyang gawin kung sasabihin ba niya o hindi kay Alexandra na nakalabas na ng kulungan si Zachna. Kung kaya’t hindi maiwasan ni Cameron na makaramdam ng inis, lalo na’t malakas ang kutob ng binata na muli na namang manggugulo sa kanila ang kababata niyang si Zachna. Laking pasasalamat na lamang ni Cameron at hindi alam ni Zachna na nakabalik na sila ni Alexandra sa kaniyang Hacienda, kung kaya’t kahit papaano ay panatag ang loob ng binata na ligtas sa piling niya si Alexandra. Ang labis lamang na ikinababahala ni Cameron ay baka pati ang mga magulang niya ay idamay pa ni Zachna na siyang dahilan
