Malalim na ang gabi nang matapos matingnan ng doktor ang kalagayan ni Cameron dahil sa nangyaring aksidente sa gitna ng kalsada kung saan labis na napuruhan ang kaniyang sasakyan. Bagamat may kamahalan ang sasakyan niyang nabunggo ng truck hindi ito ganoong pinansin pa ni Cameron, lalo na’t alam ng binata na mas mahalaga pa rin ang buhay niya. Kaya naman kahit may kaunting panghihinayang pinili na lamang ito ng binata na kalimutan, lalo na’t ang mahalaga kay Cameron ay ligtas ang sarili niya at walang masamang nangyari sa kaniya. Malaki na lamang ang pasasalamat ni Cameron sa isang nars na nagbigay sa kaniya ng pamalit na damit, lalo na’t basang-basa ang suot niyang suit dahil sa malakas na ulan kani-kanina lang. Samantalang ang kuting na muntikan naman niyang mabangga ay pinili na lamang
