Ikaapat pa lamang ng madaling araw ay gising na gising na ang diwa ni Cameron na nakahiga sa tabi ni Alexandra na mahimbing pa rin na natutulog. Sa isang iglap lamang kaagad na sumilay ang matamis na ngiti sa labi ni Cameron sapagkat naangkin na rin niya ang dalaga. Bagamat may nangyari na sa kanila ni Alexandra hindi maitatanggi ni Cameron sa kaniyang sarili na gusto niya muling angkinin ang dalaga, lalo na’t sabik na sabik pa rin siya sa maganda nitong katawan. Isama mo pa rito na para bang unti-unti na niyang nakalilimutan si Sabel mula nang dumating sa buhay niya si Alexandra. Bukod dito, napapansin din ni Cameron na nagiging madaldal siya kapag ang dalaga ang kausap niya, lalo na’t hindi nawawala kay Alexandra ang pamimilosopo nito sa kaniya. Sa halip na makaramdam ng inis sa dalaga,
