KAHIT naglalakad na palabas ng eroplano ay hindi pa rin maggawang alisin ni Addy ang sarili sa katawan ni Xander. Maayos na ang lahat sa pagitan nila, well, personally. Sigurado na siya na hindi lang respeto at pagnanasa ang nararamdaman sa kanya ni Xander. Pero paano ang tungkol naman sa pamilya niya? Alam rin niyang ikinatatakot ni Xander ang tungkol roon. Kung minsang tinutulan ng kapatid niya ang relasyon nila Xander, malamang ay ganoon rin ito ngayon.
"I'm really going to miss you..." papalabas pa lang ng arrival area ay naiiyak na si Addy. Bukas pa sila muling magkikita ni Xander. Magpapahinga muna sila bago lilipad patungo sa Cebu para aminin ang relasyon nila at ang balak na pagpapakasal sa pamilya niya.
Hinalikan ni Xander ang noo niya. "Ganoon rin ako. Pero isipin natin na isan
