SUNSET
Pagkatapos namin kumain ng almusal ay pinili kong sumama kay Ryker mamili ng pasalubong para sa magulang ko. Mas gugustuhin ko na lang sumama sa kanya kaysa maiwan ako sa hotel room na ibang lalaki ang kasama ko. Sa panahong ito, si Ryker na lang ang pinagkakatiwalaan ko at si Reece. Maliban sa magulang ko, sa kanila ko nakita kung gaano nila ako pinapahalagahan.
Ang sabi ko sa kanya ay ‘wag na bumili ng marami dahil hindi naman materialistic na tao ang magulang ko. Sanay sila sa simpleng pamumuhay at simpleng gamit ay sapat na rin sa kanila. Pero parang gusto kong maiyak sa sinabi niya sa ‘kin, mas worth it daw bigyan ang mga taong hindi materialistic. Kaya kahit gusto ko na siya hilahin palabas sa kilalang mall sa Italy na pinuntahan namin para mapahinto ko siya sa pamimili ng
