Nagising ako sa liwanag na tumatama sa mukha ko. Bahagya akong gumalaw at agad din na napatigil ng maramdaman ko na para bang may nakadagan sa katawan ko. Dahan-dahan akong dumilat at lumingon sa gawing kanan ko. Una kong nakita na parang may bulto ng tao doon na nakatalukbong. Napatingin ako sa sarili ko at nakita na may kumot din na nakatakip sa akin. Itinaas ko ang mga kamay ko at hinawakan ang kumot, dahan-dahan ko itong itinaas para tignan ang nasa loob niyon kahit na may idea na ako sa kung anong nangyari at halos mapasigaw ako ng makumpirma iyon.
“What have you done, Ronnie?” bulong ko sa sarili ko.
Huminga ako ng malalim at pilit na kinalma ang sarili ko dahil ang lakas ng kabog ng dibdib ko. Pinipilit kong hindi maiyak dahil sa katangahan ko. Muli akong huminga ng malalim
