[FRANCELI]
Pinauna kong umuwi si Steph dahil nagkasundo kami ni Luna na mag-usap pa. Gusto niya rin daw talaga akong kausapin, na ipinagtaka ko naman.
"Bakit mo naman ako gustong kausapin?" hindi ko na napigilang magtanong kay Luna. "At saka saan tayo pupunta?" tanong ko pa. Sumakay kasi kami ng taxi pagkalabas namin ng mall. "Hindi mo naman ako kikidnapin 'di ba?"
"Kalma lang, Franceli," aniya. "Wala akong masamang balak sa 'yo."
"Eh saan nga tayo pupunta?"
"Sa bahay ko," sagot niyang nakangiti.
"Sa bahay mo? May bahay ka?"
Tumawa siya sa tinanong ko. "Ano sa tingin mo, kapag hindi mo ko nakikita eh naglalaho na lang ako, ganun?"
"Ah eh...hindi naman sa ganun..." nahihiyang sagot ko. Hindi ko lang kasi lubos maisip na may bahay talaga rito sa lupa itong si Luna. Akala ko 'pag 'di
