[MANDY]
Nagkakagulo na sa buong hotel. Hindi na lang sa function hall namin naririnig ang mga sigawan, kung hindi pati na rin sa ibang sulok ng building na ito. Bawat direksiyon ay may mga taong humahangos palayo sa mga putukan na maririnig pa rin hanggang ngayon. Kaya abot-langit ang kaba ko para kay Dark na alam kong naiwan namin ni Brylle sa loob ng function hall.
"Dito ka na lang, Ate Mandy," suggestion sa akin ni Brylle nang makabawi kami sa gulat namin sa nangyari. "Ako na ang maghahanap kay Kuya Dark sa loob---"
Pero hindi ako pumayag doon. "Sasama ako! Malamang hinahanap niya na rin ako!"
"Pero delikado sa loob---"
"Wala akong pakialam," sagot ko naman at inunahan ko pa siya na makapasok sa loob ng function hall. Alam ko kasi ang posibleng ginawa ni dark pagkaputok ng nangyar
