“Kaibigan mo ba talaga ‘yan, Rose?”
Kanina ko pa naririnig ang bulong ng Nanay ni Rose sa kanya dahil sa pag-uusisa nito sa kanya tungkol sa akin. Tapos na ako sa pag-aayos kay Lyn at kasalukuyan pa lang na nagpaplantsa ng buhok si Rose para maayusan ko na rin ang mukha niya.
“Oo nga kasi, ‘Nay! Wala na ba akong karapatan na magkaroon ng kaibigan na maganda? Hindi porket nasanay ka na sa mga ganitong itsura kay Lyn ay ibig sabihin wala na akong karapatan na magkaroon ng kaibigan na maganda!” bulalas ni Rose. Ang nanay niya ang nag-aayos ng buhok niya at nagpa-plantsa kaya nakatingin kaming dalawa ni Lyn sa kanila.
Napangiti ako nang nilingon ulit ako ng Nanay ni Rose. Halata pa rin sa mukha nito na hindi ito makapaniwala na magkaibigan kami ng anak nito.
“Gusto ko lang namang makasigur
