Tahimik na nagda-drive si Detective Shara pauwi sa kanilang bahay. Noong una ay ayaw pa sana niyang sundin ang payo ng kanilang butihing chief, ngunit naisip niyang tama rin ito—kinakailangan niya talagang magpahinga upang makapag-isip nang maayos.
Mula kasi nang hawakan niya ang kaso ni The Cleaner, hindi na siya nakapagpahinga nang maayos. Palagi na lamang siyang nakatutok sa kaso at walang tigil sa paghahanap ng ebidensya. Sa bawat araw na lumilipas na wala pa rin siyang makuhang lead, lalo siyang nababalot ng stress at pagkadismaya. Hindi rin siya nakakatulog nang maayos sa gabi dahil sa pangambang baka may panibagong biktima na naman si The Cleaner.
Kaya naman, nang makakuha siya ng lead na maaaring magturo kung sino talaga ang The Cleaner, labis ang kanyang tuwa. Ngunit agad din it
