(SPREAD THE NEWS)
PAGPASOK ko ng cubicle office lumingon ang mga ulo ng lahat ng ka-team ko. Isa-isa ko silang tinignan at ang mga tingin nila'y iba. Alam ko kung bakit ganoon ang mga titig nila. Malamang sa balitang kumalat na kabit ako ni Fiandro.
Kaagad bumaba ang mata ko at pinagpatuloy ang paglakad papunta sa table ko. Sinimulan kong abalahin ang aking sarili sa mga aayusin at dadalhin papuntang site mamaya. Ngunit di ko maiwasang mailang sa malagkit at kuryoso nilang titig sakin. Kaya medyo hindi ako maka-pokus sa gagawin.
Tinapik ako ni Harley kaya nabaling ako sakanya. Nag-aala siyang nagtanong. "Bakla, okay ka lang?"
Tipid akong ngumiti at tumango. "Oo."
Pakiramdam ko may gusto pa siyang tanungin. Kaso mabilis ko ding binalik ang atensyon ko sa mesa para ireview ang mga kakai
