"WE'RE trapped in this island. Baka bukas na tayo makabalik," wika ni Rocco pagkatapos niyang maibaba ang satellite phone niya. Tinawagan siya ng isa sa mga tauhan niya sa resort at sinabing mahihirapan silang makabalik mula sa island hopping na ginawa nila ngayong araw. May natanggap itong balita na mataas raw ang alon pabalik. Mas makakabuti raw na magpalipas muna sila ng gabi sa isla. Siguradong mataas rin daw ang alon kapag gumabi na.
Tumango si Cielo sa sinabi ni Rocco. Ngumiti pa ito. "Okay lang sa akin,"
Tinaasan ng isang kilay ni Rocco ang kasama. "Sigurado ka?"
"Oo naman. May nakakatakot ba dito?" Tumingin pa si Cielo sa paligid at makikita pa rin ang ngiti sa labi nito.
Nagulat si Rocco. Napakunot ang noo niya. "Hindi ka ba natatakot? Delikado sa isla na ito. Baka tayong dala
