"Ay kalabaw!" sigaw ko nang marinig ko ang isang malakas na pagbagsak mula sa sala. Agad kong pinunas ang aking kamay sa'king likuran dahil puno ito ng bula mula sa mga pinggan na hinuhugasan ko. "Hon?" muli kong imik bago ako makarating sa sala.
Bumungad sa'kin si Miguel na may kagat-kagat na gift wrap habang salo-salo ang christmas tree naming patumba na at nakita ko rin ang mga regalong bumagsak na sa sahig. Bahagya akong napahawak sa'king baywang at naghintay sa kanyang sasabihin, "Not me, it's him." sabi nito bago mabilis na itinuro si Perry. Napa-iling nalang ako sa kanilang dalawa bago ako bahagyang ngumisi.
Inayos ni Miguel ang christmas tree at binuhat ko naman si Perry para tabihan s'ya. "D'ba sabi ko sa'yo, ako na ang magbabalot ng mga 'yan?" tanong ko sa kanya. Habang pinag
