Habang pinapatulog niya si Kaizer ay biglang bumukas ang pinto ng kuwarto niya at iniluwa nito si Kazimir na pasuray-suray kung maglakad.
"Ano'ng nangyari sa iyo sa labas?"
"Wala 'to, Baby. Nagkwentuhan lang kami ng daddy mo kasama ang ilan sa mga tauhan niyo rito sa hacienda," tugon nito habang namumula ang mukha nito. "Hindi ako uminom…ano lang, tumagay lang. Pinatagay nila ako ng isang beses, ay dalawa yata 'yon."
"Magsipilyo ka na tapos matulog ka na," utos niya dahil hindi niya na ito makausap ng maayos.
Kaya pala ang tagal nitong sumunod sa kaniya 'yon pala ay tumatagay na ito sa labas.
"Galit ka ba?"
"Hindi ako galit. Sige na, ayusin mo na 'yang sarili mo dahil baka maamoy ka ng anak natin." Amoy alak kasi ito kaya medyo hindi maganda ang amoy nito. "Sana kaunti lang ang in
