"Ba't nandito ka sa garden, Hijo?" tanong ng biyenan niyang lalaki. "Malalim na ang gabi kaya dapat matulog ka na."
"Nagagalit po kasi si Hope sa akin sa hindi ko malamang dahilan, Dad. Ang sabi niya, ang baho ko raw po kaya naligo ako. Pagkatapos ko pong maligo, sinabihan niya ulit ako na mabaho kaya naligo po ulit ako. Anim na beses po akong pabalik-balik sa banyo para maligo kaya po nagreklamo na ako."
"Oh, tapos? Ano'ng nangyari?"
"Pinalayas niya po ako, Dad. Ang sabi niya, lumayas daw po ako kung hindi ko kayang linisin ang sarili ko." Para siyang bata dahil nagsusumbong pa siya sa biyenan niyang lalaki kahit hindi na dapat.
"Nasaan si Kaizer?"
"Tulog na po sa crib niya, Dad."
"Pumasok ka na sa kuwarto niyo para makapagpahinga ka na," utos nito pero umiling-iling siya. Sa hal
