Nanlalaki ang aking mga mata nang marinig ang confession ni Hanz kay Liza. Gusto kong umalis pero hindi magawang gumalaw ng aking mga paa. Napanganga ako nang marinig ang tunog ng sampal kaya napalingon agad ako sa kanila.
Napatakip ako ng bibig dahil sa nakita ko. Sinampal lang naman ni Liza si Hanz. Aawatin ko na sana siya nang may humila sa akin sa aking braso. Paglingon ko ay si Max pala iyon.
“Hayaan mo sila,” bulong na saad sa akin ni Max.
“P-Pero-”
“It’s there problema, honey. Hayaan mo silang mag-usap,” putol niyang saad sa sinabi ko.
“N-Nagkakasakitan na sila,” bulong ko pa.
“Don’t worry, sanay namang masaktan si Hanz, huwag kang mag-alala,” nakangiting sagot niya sa akin na ikinangiwi ko.
Napalingon naman ako sa aking kaibigan, galit ang nakikita ko sa kaniyang mukha
