ZIANNA
Kinabukasan, pagdating ko sa building ng Zaxton's Group of Companies ay diretso ako sa parking at agad na tiningnan ang kotse ko. Nagulat ako ng makita kong hindi na flat ang gulong ko. Naisip ko na baka pinaayos ito ni Speedy dahil siya ang naiwan dito para kunin sana ang bag ko.
Sumilip ako sa loob ngunit nagsalubong ang kilay ko ng makita ko ang bag ko. Akala ko ba ay naunahan si Speedy na kunin ang bag ko pero bakit narito ito?
Agad kong binuksan ang kotse ko at kinuha ang bag ko. Isa-isa kong tiningnan ang laman pero wala namang nawawala. Sabagay, kung kinuha nga ito ay wala rin silang makikita rito dahil IDs at wallet lang ang laman ng bag ko.
Umaga pa lang ay abala na kami sa opisina at hindi namin namalayan ang oras kung hindi nagsalita si Kim. Sa labas ulit kami kumai
