ZIANNA
Mataman ko pinagmasdan ang mukha niya. Sino mag-aakala na kung gaano kaamo ang kanyang mukha habang natutulog ay nagtatago pala sa loob niya ang isang halimaw. The monster I was able to tame.
Awtomatikong dumapo ang kamay ko sa mukha niya, pinasadahan ng hintuturo ko ang malalago niyang kilay. Sumunod ay marahan kong pinaikot ang daliri ko sa mata niyang nakapikit. Marahan kong pinasadahan ang talukap niya para hindi siya magising. Maging pilikmata niya na makapal ang hibla at mas mahaba pa yata kaysa sa pilikmata ko ay hindi rin nakaligtas sa akin. Mayamaya lang ay ang matangos na ilong naman niya ang pinasadahan ng daliri ko hanggang sa narating ang tungki ng ilong niya. Marahan kong pinindot-pindot ang tungki ng ilong niya na para bang isa itong malambot na jelly. Hanggang sa
