Pabalik-balik ang lakad n’ya sa loob ng silid. Paroo’t parito. Uupo sa kama, tatayo. Lalakad ulit pabalik-balik. Sobrang kaba ang nararamdaman n’ya, at kahihiyan na rin. Hindi n’ya ata kayang lumabas ng kwartong iyon. Hindi n’ya ata kayang harapin ito.
Ano ba kasi ang nangyari? Bakit hindi n’ya iniwasan? Bakit n’ya hinayaan? Dapat ay sinampal n’ya ito, sinuntok o kaya sinipa. Pero hindi n’ya nagawa. Nakakahiya s’ya.
Ipinikit n’ya ang mga mata at mariing kinagat ang labi, pagkatapos ay nagpakawala ng marahas na buntong-hininga. Ano na ngayon ang gagawin n’ya? Lalabas ba s’ya o magtatago rito sa silid maghapon. Balak n’ya sanang umupong muli sa kama ng may kumatok. Kinagat n’ya ng mariin ulit ang pang-ibabang labi. Parang tinatambol ang dibdib n’ya sa lakas ng t***k niyon. Ilang beses
