♥ FOURTY ONE ♥
KIARA
Madaling araw na nang umuwi si Klaus sa kampo. Mula nang bumalik siya, hindi na ibinalik sa kanya ni Dad ang posisyon kaya naman ang sabi niya ay gumagawa siya ng paraan para makuha ulit ang tiwala ni Dad.
Gusto kong malaman kung ano ang plano niya. Nang malaman niya ang tungkol kay Phyam, parang mas naging porsigido siya sa mga kilos niya. Palagi niyang sinasabi sa akin na malapit nang matapos ang kalbaryo namin ng mga anak ko.
Kung kaya ko lang talagang ilabas ang lakas ko. Kung hindi ko lang iniisip ang mga bata at ang pwedeng maidulot sa lahat ng pagtakas, matagal na sana kaming wala rito.
Pero hangga't nasa tatay ko ang amulet, hindi magiging sapat ang lakas na mayroon ako at ng kapatid ko. Mamamatay lamang kaming pare-pareho kung hindi kami mag-iisip.
S
