AMAYA'S POV
MAY ILANG minuto na ang nakalipas mula nang maiwan akong mag-isa sa loob ng sasakyan ni Atty. Nick, pero hindi ko pa rin magawang igalaw ang mga paa ko para sumunod sa kaniya.
Hindi ko alam kung tama ba 'tong ginawa ko. Itong mga naging desisyon ko. Pakiramdam ko kasi, mali at naging padalos-dalos ako. Lalo na sa parteng magpapakasal ako sa iba gayong si Anthony ang kasama kong nagplano tungkol sa bagay na 'yon.
Siya ang kasama kong nangarap at nagplano.
Napabuntong-hininga ako, saka sumubsob sa mga tuhod ko habang nakahawak nang mahigpit sa buhok ko. Nakaka-frustrate ang mga nangyayari dahil kahit sabihing tatlong taon lamang tatagal ang kasal na 'yon sa abogadong 'yon, still ikakasal pa rin ako sa kaniya.
Lord, please, tulungan Mo po akong mag-decide at mag-isip. Hi
