AMAYA'S POV
"OKAY KA LANG?"
Napatingin ako sa kaibigan kong si Pat nang tabihan ako sa upuan at magtanong kung okay lang ba ako. Nandito ako sa bahay nila. Dito ako dumiretso sa kanila pagkagaling ko sa city jail para sana bisitahin si Anthony. Kaso hindi niya ako hinarap.
"Kanina ko pa napapansin na maya't maya ang buntong-hininga mo." Dinunggol niya ang balikat ko. "Ano bang nangyari sa pagbisita mo kay Anthony?"
Malungkot akong umiling bilang sagot.
"Hindi ka niya hinarap kagaya nang sinabi niya?" Panghuhula niya.
Tumango ako, saka muling bumuntong-hininga bago sinabi kung bakit tila pasan ko ang mundo. Ikinuwento ko sa kaniya na hindi ako hinarap ni Anthony, pero ang kapatid niyang si Ate Verlyn at si Diva ay hinarap niya. Na naiinis ako at nasasaktan dahil bakit sila hinah
