Dalawang araw pa sana silang mananatili sa resort dahil na din sa nagustuhan ni Lucy ang tanawin ng lugar, pero dahil sa pangyayaring sa pagitan ni Luke at Vincent ay minabuti na lang nila ni Lucy na umuwi ng mas maaga sa inaasahan.
Hindi pa rin maialis ni Celina ang kaba ng mga oras na iyon, hindi niya makalimutan ang nanlilisik na mga mata ni Vincent kanina. Wala sana siyang aalalahanin kung nasa mansyon ang kanyang ninang, ang kaso’y habang pauwi sila ay bigla itong tumawag at nagsabing aalis ito kasama ng dalawang senyor at ilan sa mga katulong.
"Cel, nandito na tayo" paalala ni Lucy nang makarating na sila sa mansyon.
Doon lang nabaling ang isipan ni Celina sa kaibigan, kanina pa kasi siya nag aalala, sigurado niyang galit nanaman si Vincent sa kanya.
Hindi niya alam ang dahilan n
