Tumakbo akong pumasok ng hospital, nasa kalagitnaan pa ako ng meeting nang makatanggap ako ng tawag mula kay Mommy at agad akong lumabas ng conference room patungo rito.
Nakakailang pindot na ako ng elevator pero nasa ibang floor pa ito, dadaan pa ito sa iba ring mga floors at matatagalan ako. Nasa third floor ang VIP room ni Dad. Tumakbo ako sa may hagdanan, dito na lang ako dadaan, hindi ko na kaya pang maghintay. Huminto ako saglit at hinubad ang sapatos kung may mataas na heels.
Para akong sumali ng marathon, kumakalabog at hapo ang aking puso. Dama ko ang nag-iinit at kumukulo kong dugo na dumadaloy sa mga ugat ko. Sana hindi tumaas ang blood pressure ko dahil sa magkahalong pagod, hingal at pananabik.
Binuksan ko agad ang pinto nang marating ko ‘yun.
“Dad!” dumeretso ako sa mism
