"So ang ibig mong sabihin, kaya ganon ang turing ni Jaze at ugali ni Jaze sayo ay dahil may ginagawa itong kalokohan sa restaurant niyo at hindi dahil kay Dan?" sabi ni Vera habang naglalakad pabalik-balik sa harapan namin.
Si Rana at Oliver naman ay nananatili lamang na tahimik. Nasa kabilang unit kami ng unit namin. Sabi ni Oliver ay dito na raw ito tutuloy para mas malapit sakin.
"O pwedeng both!" sabi ni Rana sabay buntong-hininga.
"Sorry kung umalis na lang ako bigla," sabi ko kay Rana.
"Wala naman ng bago. Ten years nga nagawa mo kaming iwan, sanay na kami. Ang tangi na lang naming magagawa ay sundan ka," sabi ni Rana. "Mas magiging exciting pa pala itong ginagawa natin dahil may dagdag pang iimbesitgahan."
"Ito pala ang tinatawag mo?" singit ni Vera at naupo sa tabi ko. "Hihin
