PASIMPLENG sinusulyapan ni Alisha si Tristan na nakaupo sa back seat. Nasa front seat naman siya katabi ni Mang Rodolfo.
Kitang-kita niya ang kalungkutan sa guwapong mukha nito habang nakatanaw sa bintana ng sasakyan. Panay din nitong buntong hininga.
Napakagat-labi naman siya. Hindi niya akalaing ganito maapektuhan ang lalaking ito sa pagkawala ng isang Elise Montellion?
Ang nakakalungkot lang, 'di na rin siya nito pinapansin. Isang Linggo na ang nakalilipas, ngunit lagi itong tahimik at mukhang malalim ang iniisip.
Hindi nga siya nito sinusungitan, ngunit para siyang hangin sa paligid nito.
Kung sabagay, sa itsura niyang ito, bakit nga ba siya pag-aaksayahan ng isang Tristan Morris Shawn?
Ang ipinagtataka niya, bakit noong nakikita pa nito ang mukha niya bilang si Elise, pinapa
