NAPALUNOK ako ng marinig ang pagbukas sara ng pinto ng kuwarto nito.
Ang aga naman yata nitong nagising?
Mag-a-alas sais pa lang naman ng umaga.
Napakagat-labi ako ng maramdaman ang mga yabag nito na papalapit. Ni hindi ko magawang lumingon paharap upang batiin ito.
Sobra akong nahihiya!
Kunwa'y abala ako sa niluluto kong ham at eggs para sa almusal. Ngunit ramdam kong bahagyang nanginginig ang mga kamay ko sa umuusbong na kaba!
Pakiramdam ko, unti-unti akong pinagpapawisan kahit bagong ligo naman ako. Nakaayos na nga rin ako gaya ng dati.
Muntik na akong mapapitlag ng bigla itong tumikhim sa mismong likuran ko!
"Good morning.."
Bigla akong napalunok. Unang pagkakataong ito mismo ang bumati!
"G-good morning Sir Tristan. Malapit na po ito--"
"It's okay. Hindi naman ako nagmam
