Nang makarinig si Mystica ng sunod-sunod na mga pagsabog sa mga paligid ay naalarma siya lalo pa't sigurado siyang hindi makakayanan ng buong lugar ng Ult Magna Forest ang marahas na pagpapasabog sa Iba't-ibang parte ng kagubatang ito. Sino bang hindi maaalarma dito kung wala namang tao o anumang nilalang ang gumagala rito kung kaya't plano nilang sirain ang buong lugar dito upang isagawa ang malawakang Bloodbath Rituals dito.
Agad na nag-iba ang ekspresyon sa mukha ni Mystica lalo pa't hindi siya makakapayag na basta-basta lamang panghimasukan ng kung sino-sino lamang ang kanyang teritoryo partikular na ng mga tagalabas na nangangahas na pumasok sa lugar na kanyang kinaroroonan. Likas na pinapahalagahan ng mga uri ng Serpyente ang kanilang kapaligiran maging ang sarili nitong teritoryo.
