Namamangha pa rin si Elver sa nangyayari. Kung kanina lang para siyang mababaliw sa sakit dahil kay Kimberly ngayon naman siyang-siya siya at para siyang nakalutang sa ulap dahil din kay Kimberly.
Heck! Kayang-kaya talaga siya nitong baliwin sa isang iglap lang!
Sabay na bumaba sila ng sasakyan pagkaparada niyun sa tapat ng inuupahan niya. Gusto man niyang tanungin kung paano nito nalaman kung saan siya nakatira pinigilan lang niya ang sarili. Ayaw niyang maging awkward na naman silang dalawa.
Ayaw niyang masira ang gabing ito ngayon kasama niya ang dalaga.
"Aalis ka ba agad?" agaran niyang tanong rito.
"Bakit mo naitanong?"
Bigla siyang napahiya. Damn,paano ba dapat idahilan?
Ano,Elver? Natotorpe?
Tumikhim siya. Bahala na! Kailangan niyang samantalahin ang pagkakataon na ito!
"Uh
