NAPALINGON si Meera nang mayroong humablot sa dalawang earphones niyang nakasaksak sa dalawang tainga. Nakikinig siya ng mga classical songs habang nagbabasa ng script upang kabisaduhin ang ilang linya at ipamilyar ang sarili sa ilang eksena na mayroon siya para sa linggong ito. Hindi kasi siya gaano makapag-focus dahil maingay sa labas.
Mula sa kinaroroonan ay rinig na rinig niya ang matinis at malakas na boses ng direktong. Ang mga nagkukumahog na yapak, natataranta at nagsisisihan na tao. Kanina pa mainit ang ulo ng direktor at halos lahat ng ipapatingin sakanya ay minamali o pinupuna. Mukhang hindi maganda ang gising nito.
“Kanina pa ako kumakatok,” paunang paliwanag ni Jelome nang mabungaran ang kunot noong mukha ng aktres kasama ang nagliliyab na mata. “Sorry if I had to do that.
