NAGPAKAWALA ng isang malalim na buntong hininga si Meera. Ilang segundo matapos niyang inumin ang tubig na mula sa aktor ay tinawag na sila ng direktor. Tumayo siya, kagat-kagat ang pang-ibabang labi at sinisimulan nang palungkutin ang isip upang mabilis siyang maiyak mamaya.
“Good luck, sweetheart! I know that you can do it. Nandito lang ako lagi para sa ‘yo. Kapag kinakabahan ka, kapag natatakot ka, o kapag nakalimutan mo ‘yung linya mo at natataranta ka, tingin ka lang sa akin.”
Mas lalong dumiin ang pagkakakagat ng aktres sa kaniyang pang-ibabang labi ng marinig ‘yon. Tumigil siya sa paghakbang ngunit hindi niya nilingon si Jelome upang itago ang nagbabadyang pagngiti ng mapusyaw na labi. Sexy Nude kasi ang shade ng lisptick niya ngayon para sa role niya bilang si Laureta Laxamana, a
