TANGHALI na ngunit kagigising lang ni Frankie, as usual galing siya sa isang birthday party ng isa sa mga kaibigan nila ni Zoe at mag-uumaga na silang umuwi. Naghilamos at momog lang siya tapos ay pinaibabawan ng silk na robe ang manipis na pantulog bago bumaba papunta sa kusina. Kumakalam ang sikmura niya sa gutom. Mukhang nasanay ang tiyan niya sa mga hinahanda na agahan ni Manang Dolores noong nasa Samaniego farm siya.
“Manang? Manang Seda…” tawag niya sa katulong.
“Miss Frankie, magandang umaga po… May kailangan po kayo?” tanong ng katulong na ng bumungad si Frankie sa kusina.
“Manang Seda, paki dalhan naman ako ng breakfast sa may pool area.”
“Upo, sige po.”
Lumapit si Frankie sa cupboard at kumuha ng tasa at nagtimpla ng sariling kape. “Saan nga po pala si Daddy?” tanong niya
