NAG-POUT si Gia habang nakatayo at nakahalukipkip sa harap si Wendy na parang teacher na handa na siyang paliguan ng sermon.Siya naman, nakaupo sa kama at malapit na yatang manliit dahil sa istriktong tingin na binibigay sa kanya ng babae.
Hindi na niya kinaya ang tensiyon kaya tumingin na lang siya sa bedside table. Ang sabi sa digital clock sa ibabaw niyon, 8:30AM na. Nasa labas ng kuwarto sina Jeremy, Aron, at Vincent na narinig niya kanina habang pinag-uusapan ang kanya-kanyang breakfast na dala.
"Hindi pa ba tayo kakain ng breakfast?" reklamo ni Gia nang tumingala kay Wendy. "Kung papagalitan mo 'ko, gawin mo na para makakain na tayo. Saka paano ba kasi kayo nakapasok dito sa bahay ni Jeremy?"
"Binigyan kami ni Jeremy noon ng duplicate key ng bahay niya para mapuntahan ka namin any
