Pumasok na muna si Nanay sa kanyang kwarto para makapagpahinga. Masyado na syang nastress at napagod sa mga nangyayari sa aming buhay.
Pagkasara ko pa lang ng pinto ay agad akong hinatak ni Rowell may naiwan pa pala syang tanong sa akin na takot na takot kong sagutin.
Malalim ang mga titig nya.
"Sagutin mo ako. Ako ba ang ama ng dinadala mo?" Inulit nyang tanong..
Napalihis na naman ako ng tingin sa kanya. Iniiwasan ko ang mga tingin nya.
"Bakit ba ayaw mong aminin?" Pagpipilit pa nito.
Masama akong tumitig sa kanya.
"Kung sasabihin ko ba na sayo ito ay maniniwala ka? Hindi na ako ang babae na minahal mo. Nakuha na ko ng kung sino sino. Nasaksihan mo pa nga di ba?" Iyak kong sabi sa kanya.
Dito ay napahagulgol na ako. Hindi ko maamin na sya naman talaga ang totoong ama ng aking mu
