HULING ikinabit ni Yana ang hikaw sa kaniyang mga tainga. Nabili niya 'yon sa kaniyang suking jewelry shop online. 'Pag pala mayaman ka, isang pitik lang ay magkukumahog pala ang mga mag-aalok sa'yo ng ganito, ganiyan, saka niya binitbit ang kaniyang bag at nagmamadali na siyang lumabas ng kaniyang k'warto.
Kung bakit ba naman kasi ngayon pa siya na-late ng gising. Sa lahat pa ba naman ng araw talaga, hayst.
Kung pagmamasdan sa malayo si Yana ngayon habang may pagmamadali ang kilos, mapupunang kalkulado niya ang galaw niya. Tila bilang din nito ang steps mula sa kuwartong pinanggalingan hanggang sa paglabas ng malaking bahay, sa mismong spot kung saan alam niyang naghihintay rito ang driver niya. Oh, with her husband, of course. Paanong hindi? E, limang taon na siyang nakatira sa malakin
