DAMON POINT OF VIEW
Tahimik ang mga pasilyo, ngunit ang bawat hakbang na ginagawa ko ay parang pagsabog sa tahimik na digmaan. Ang dilim ng gabi ay tila nagtatago ng mga lihim na matagal nang itinago ng akademya. Pero hindi na nila ito maitatago sa akin.
Sa kamay ko ay hawak ko ang ebidensya—mga dokumento, recordings, at testimonya na magpapakita ng korupsyon ng chairman. Hindi ko alam kung anong magiging reaksiyon ng mga kasama ko, pero sigurado akong hindi ko ito maaaring balewalain. Ang mga estudyante, ang mga tao sa ilalim ng aming proteksyon, ay nabubuhay sa sistemang marumi. Kailangan ko nang wakasan ito.
Huminga ako nang malalim at tumingin sa paligid. Naroon sina Kyle, Diego, Marco, at iba pang mga kasamahan ko, lahat handang suportahan ako. Pero sa gabing ito, ako ang nasa har
