Kahit sino ka man,
Ikaw ay tatanggapin,
Kahit sino ka man,
Patuloy ka pa rin na mamahalin
Puso ko ay ikaw lang ang kinikilala
Kahit kailan ay hindi magsasawa
Kaya 'wag ka ng magka-ila
Kahit sino ka man, pag-ibig ko ay hindi mawawala
Teaser
Estrange couple sina Jackie at Albert sa loob ng dalawang taon. Pero isang araw ay bigla na lang nagpakita si Albert sa asawa, humihingi ng pangalawang pagkakataon.
"I need to make things right again. I am your inspiration for your poems," sagot nito nang tanungin niya kung bakit. Apparently, napanood pala nito ang performance niya nang minsan nag-spoken poetry siya.
Matagal na ang mga tula ni Jackie. Wala na iyon sa kanya. At sa totoo lang, ayaw niyang isa-puso ang mga iyon kahit marami ang naapektuhan. Kinalimutan na niya si Albert.
