Chapter 65
Hunter's POV
Hindi ko na rin naman inabala pa ang sarili ko na lingunin pa si Britney dahil naramdaman ko na rin agad ang pagsunod niya sa akin pagyaya ko pa lang sa kanya. Nang makapasok na nga kami nang tuluyan sa mall ay kasabay ko na nga na naglalakad si Britney.
Nilingon ko siya at nagulat ako dahil iba na naman ang mood niya. Parang kanina lang ay hindi na maipinta ang mukha niya pero ngayon ay excited na siya at alam ko na sa pagkain namin siya nae-excite. Kaya sa tingin ko ay wala na rin kaming dahilan pa para hindi kumain dahil tulad niya ay pagkain lang din ang pinunta ko rito.
Ngunit ang akala ko na mapapabilis ang paghahanap namin ng makakainan ay hindi rin pala mangyayari. Ang buong akala ko kasi ay maghahanap agad siya ng kakainan namin pero mukhang nag-enjoy s
