"PAANO ko ito nagawa sayo? Dahil na rin sa kagagawan mo!" sigaw ni Felistia sa sariling asawa.
Dinuro pa niya ito kahit alam niyang 'di na rin iyon mabibigyan pansin pa ng kanyang asawa na kaunti na lang yata malalagot na ang hininga nito.
Bahagya siyang lumapit dito. "Akala mo siguro, hindi ko malalaman na ang lahat ng ari-arian mo ay mapupunta lahat sa anak mong si Zasha! Kaya ako ang dapat na nagtatanong niyan kung bakit mo ito nagawa sa akin, samantalang tunay mo akong asawa!" nanggagalaiting bigkas ni Felistia. Ngunit nanatiling tikom ang bibig ni Abier.
Muling natawa si Felistia at nagpalakad-lakad habang hawak ang baril.
"Wala kayong kaalam-alam na noong araw na kinakausap mo ang anak mo, may sekretong cctv camera sa loob ng kuwarto na ito at audio. Kaya huwag kang magtatano
