"ANONG ginagawa mo rito?" tanong ni Zasha at bigla niyang isiniksik ang sarili sa dulo ng sofa.
Matutulog na sana siya ng mga oras na iyon, nang biglang bumukas ang pinto at pumasok ang lalaking si Del Lusca.
Hindi maiwasan ni Zasha ang kabahan dahil iyon ang unang pagkakataon na pumasok ito roon ng gabi na. Nang seryoso siya nitong tingnan, mukha na naman itong galit.
"May I remind you that this is my room."
Biglang napalunok si Zasha. Yumuko siya at niyakap ang sarili. Ramdam niya ang pamumula ng magkabilaang pisngi dahil sa pagsupalpal nito sa kanya. Aaminin niyang nakalimutan niya ang bagay na iyon.
Mahigit isang Linggo na rin kasi siya rito, ngayon lang ito pumasok sa kuwarto nito ng gising pa siya? Sigurado naman siyang pumapasok ito roon ngunit marahil nasa kalagitnaan siya
