CHAPTER 37
** NAIH POINT OF VIEW **
Halos hindi ko na mapansin ang detalye ng kagandahan ng mansyon. Makakapag-site seeing pa ba ako kung halos humiwalay na ang braso ko sa aking katawan dahil sa malakas na paghila ni Avo? Tumigil lang siya ng marating namin ang veranda ng ikatlong palapag. Kahit gaano pa ako kagalit sa taong kasama ko, tila pinipilit iyong mapawi ng kagandahang nakikita ko sa paligid.
Tanaw na tanaw ko ang lawak ng mala-fairytale nilang hardin. Nang dahil sa kaba ko kanina ay hindi ko napansin ang malaking fountain na pinalilibutan ng paikot na drive way. Mga mamahaling kotse na nakasampa sa mga pinong bermuda. Maraming bulaklak lalo na sa kanang bahagi ng mansyon. Tila naroon si Jane Austen at nagsusulat ng isang bagong libro na tumutukoy sa kahalag
