Agad tinatawagan ni Thalia ang pangalawa niyang kapatid para ipaalam na may maibibigay siyang pera. Pero hindi ito sumagot sa tawag niya, lumabas siya ng kwarto para ihanda ang kanyang lulutuing lunch ni Samuel.
Pagpasok niya sa kusina ay yung isang katulong ang kanyang nadatnan. Ngumiti ito sa kanya pero seryoso lang niyang tiningnan bago binuksan yung refrigerator.
“Anong kailangan mo madam, ako na po ang kukuha?" Naiilang na tanong niya kay Thalia, dahil baka pati siya ay matulad sa isa niyang kasama.
“Humingi ba ako ng tulong? Kaya kong gawin ito, umalis ka na lang at maglinis. Ako ang magluluto sa lunch ng asawa ko!” Masungit niyang sabi, walang nagawa ang katulong dali-dali itong umalis.
Nagpakawala ng hangin si Thalia dahil nahihirapan talaga siyang umastang parang madam.
Nags
