TANNA’S POV
Mabilis akong umak’yat sa k’warto ni Hannah dahil sa narinig kong putok ng baril. Nang makapasok ako sa k’warto ay nakita ko ang lalaking maka-mask at sumbrelo na may sugat ang binti. Napatingin naman ako kay Hannah na no’n ay may hawak na baril at nakatutok sa lalaki. Agad ko siyang nilapitan at pilit na pinapakalma.
“H-Hannah… K-Kalma. A-Ayos na. I-Ibaba m-mo na ‘yong b-baril mo,” nauutal kong sabi.
Ang mukha ni Hannah ay walang ekspresyon pero naro’n ang pagpatak ng luha nito. Nakarinig ako ng kalabog sa labas at narinig ko rin ang wangwang hud’yat na nandito na ang mga pulis. Unti-unti kong pinababa kay Hannah ang baril niya at saka ito kinuha mula sa kamay niya. Nang makapasok ang mga pulis ay saka ko binigay ang baril sa kanila.
“Ayos lang po ba kayo, Ma’am?” tanon
