Apple's POV
NAGISING ako na tulog na tulog si Beckham. Balak ko lang sanang uminom ng tubig, pero dahil sa gusto ko munang makalanghap ng sariwang hangin ay walang ingay na lumabas ako sa cabin namin at naglakad sa buhanginan.
Tinanaw ko ang payapa at ang madilim na karagatan, pagkatapos ay nagpakawala ako ng isang malalim na buntong-hininga.
Simula pa kanina, hindi na nawala sa isip ko kung tama bang ituloy ko ang pagpapakasal ko kay Beckham? Naglalaban kasi ang puso at isipan ko. Sumasangayon ang puso ko, pero taliwas naman ang sinasabi ng isip ko.
Mahal ko si Beckham, mahal na mahal. Isang pangarap ang maikasal ako sa isang katulad niya. Pero matatanggap kaya niya ako once na malaman niya kung ano talaga ang pakay ko sa kanya?
Natigilan ako nang makaramdam ako ng isang bulto na nas
