Sinundo ulit ni Hiro si Aqua sa hospital nang uwian na ito ng dalaga. Subalit bago iyon ay nagpaalam si Hiro kina Logan Adrian na sa condo ito matutulog ulit.
"Sa condo ka matutulog, baka mamaya si Aqua hindi din uuwi sa Mansyon." Sabi naman ni Logan.
"Hayaan niyo na siya nasa legal age na 'yon," sagot naman ni Hiro.
Nagkatinginan naman sina Adrian at Logan.
"Baka hanapin ni Tita," ani Adrian.
"Nagpaalam 'yon sigurado. Alangan namang matutulog sa iba na hindi nagpaalam. Kailan ba sila babalik ni Daddy?" Turan ni Hiro.
"Sa isang araw pa. Sulitin daw nila ang kanilang bakasyon sa El Nido!" Tugon ni Logan.
Sukat doon ay mas lalong napangiti si Hiro na napansin naman agad ni Adrian.
"Mukhang ngiting - ngiti tayo diyan ah!" Tukso nito.
"Napagtanto ko, kailangan ko ding ngumiti nang wag
