Chapter 40 : Ang tinta ng higanting pugita
Sobrang higpit ng yakap ni Sekani kay Strawberry matapos niya itong mailigtas sa lalaking may balak na masama sa kaniya. Nagpapasalamat siya dahil pinaglapit sila ng tadhana. Inadya ng panahon na magkita sila sa lugar na iyon para iligtas ang batang babae.
“Salamat at nakita mo ako, Kuya Sekani. Kung hindi ay baka kung saan na ako napunta,” sabi nito sa kaniya. Bumaklas siya ng yakap sa bata at saka lumuhod para makausap niya ito ng maayos.
“Ano ba ang gagawin sa iyo ng lalaki ‘yan? Saka, sino siya? Kaano-ano mo siya?” tanong ni Sekani.
“Stepbrother ko po siya. Nag-away po kasi ang mga magulang namin dahil sa aming dalawa. Nakita po kasi ng mama ko na hinampas niya ako. Dahil doon nag-away sina mama at papa. Eh, itong stepbrother ko ay tila m
