Chapter 37 : Ang pagmamalup*t ni Reyna Avilako sa mag-asawa
Hindi mawari ni Sikhina kung anong mga nilalang ba ang kumuha sa kanila ng asawa niya. Takot na takot sila habang nakakulong ngayon sa isang bubble sa ilalim ng ilog. Ni hindi nga sila masyadong gumagalaw dahil natatakot silang mabutas iyon at malunod silang mag-asawa.
Gusto man niyang kausapin si Nitina na binihag din ng mga ito ay hindi naman niya magawa dahil hindi sila magkarinigan doon. Araw-araw ay nakikita nilang mag-asawa na umiiyak si Nitina. Magkalapit lang kasi ang kulungan nila. Kaunting pagitan lang ang layo nila.
“Hindi na ata umiiyak si Nitina ngayon,” sabi ni Cain sa kaniya.
“Nasawa na siguro. Saka, wala naman na rin tayong magagawa. Baka rito na tayo mamatay sa ilalim ng ilog. Kung mabutas man ang kulungan na
