Napatitig siya sa akin. Siguro hindi niya matanggap ang katotohanan.
"Ako pa ang hindi magaling magturo ngayon, huh?" Mukhang hindi naman siya galit.
"Oo. Sabi mo hindi ako bobo. Hindi ko maintindihan ang tinuturo mo. Ibig sabihin ikaw ang problema dito."
Napakurap siya. Maya-maya pa ay malakas siyang napahalakhak.
"Really, huh?" Tawa siya nang tawa.
"Oh, totoo naman, di ba? Tapos ang init init pa ng ulo mong magturo. Tsk!" reklamo ko.
"Isa kang error teacher..."
Mas lumakas pa ang tawa niya. Dahil malaki siyang tao, pati itong sofa ay umaalog na dahil sa pagtawa niya.
"Baka terror teacher?" tanong niya.
"Error teacher. Di ba, ang error ibig sabihin mali? Iyon ka. Error teacher kasi may mali sa'yo, kaya hindi makuha ng estudyante mo ang tinuturo mo."
Tawa nang tawa. Nakaka
